Health Latest

Rwanda: Umusirikare wari mu butumwa yabaye uwa gatatu wishwe na COVID-19

Minisiteri y’Ubuzima mu Rwanda yatangaje ko umuntu wa gatatu mu gihugu wishwe n’Icyorezo cya COVID-19 ari umusirikare wa RDF wari mu butumwa bw’amahoro.

Mu mibare yatangajwe kuri uyu wa Gatatu tariki 1 Nyakanga 2020, Minisiteri y’Ubuzima yavuze ko abarwayi bashya bagaragaye bose hamwe ari 17, mu gihe abakize ari 33 naho umwe akaba yahitanywe n’iki cyorezo.

Uwitabye Imana yari umusirikare wa RDF w’imyaka 51 wari mu butumwa bw’amahoro mu mahanga akaba yari asanzwe afite ubundi burwayi nk’uko byatangajwe na Minisante.

Muri rusange mu masaha 24 ashize hagaragaye abanduye bashya 17, barimo barindwi babonetse i Kigali, babiri babonetse i Rusizi mu gihe ababonetse i Ngoma ari batandatu mu karere ka Rubavu haboneka babiri. Abamaze kwandura bose hamwe ni 1,042.

Uyu munsi kandi hakize 33, bituma umubare w’amabaze gukira iki cyorezo ugera ku 480. Abakirwaye bose hamwe ni 559 mu gihe abantu batatu bamaze guhitanwa na COVID19.

Uyu musirikare apfuye nyuma y’ umupolisikazi w’imyaka 24 wapfuye tariki 02 Kamena 2020 nawe yari mu butumwa bw’akazi mu mahanga aho yanduriye Koronavirusi aza mu Rwanda amaze kuremba.

Itangazo rya Minisiteri y’Ubuzima

 856 total views,  4 views today

Leave a Reply

Your email address will not be published. Required fields are marked *