Tuyisenge Jacques yasinyiye APR FC imyaka ibiri

Mu gitondo cyo kuri uyu wa Gatanu tariki ya 18 Nzeri 2020, APR FC yerekanye rutahizamu Jacques Tuyisenge ugiye kuyikinira mu gihe cy’imyaka ibiri iri imbere.

Ni umuhango wabereye ku biro by’iyi kipe biherereye ku Kimihurura mu gitondo cyo kuri uyu wa gatanu isaa 9h, wayobowe n’umuyobozi wungirije wa APR FC Maj Gen. Mubarakah Muganga, yasinye imyaka 2 muri iyi kipe y’ingabo z’igihugu akazayikinira nka rutaha izamu.
Tuyisenge Jacques aje gufasha iyi kipe kwitwara neza mu mikino nyafurika ya CAF Champions League izitabira ndetse no muri shampiyona ya 2020-2021.

Uyu rutahizamu kandi ntabwo higeze havugwa ibyo yatanzweho, gusa amakuru avuga ko yishyuwe ibihumbi 55 by’Amadorali, akazajya ahembwa amadorali 3500 ku kwezi.

Muri 2016 Tuyisenge Jacques yatandukanye na Police FC yerekeza muri Kenya mu ikipe ya Gor Mahia, ayimaramo imyaka 3, muri 2019 yerekeje muri Angola mu ikipe ya Petro Atlético de Luanda akaba yaravuyeyo mu kwezi gushize none yasinyiye APR FC amasezerano y’imyaka 2.

Tuyisenge Jacques yasinyiye APR FC imyaka ibiri .

Leave a Reply

Your email address will not be published. Required fields are marked *