Umuhanzi Safi Madiba yatangaje ko yanduye COVID-19

Umuhanzi Safi Madiba yatangaje ko yanduye icyorezo cya Coronavirus, agahita yishyira mu kato.

Abinyujije ku rukuta rwe rwa Instagram kuri uyu wa gatandatu tariki 07 Ugushyingo 2020, Safi Madiba uri kubarizwa muri Canada, yatangaje ubutumwa buvuga ko yanduye Corona virusi agomba guhita yishyira mu kato kugirango abashe gukurikiranwa n’inzego z’ubuzima.

Nyuma yo gutangaza ubu butumwa bwo kwandura COVID-19, Safi Madiba yatanze ubutumwa ku bamukurikira ku rukuta rwe rwa Instagram aho yagize Ati “Ni ukwitonda.”

Ubutumwa umuhanzi Safi Madiba yashyize ku rukuta rwe rwa Instagram

Muri Canada aho uyu musore asigaye aba hamaze kwandura abantu 255.809 mu gihe abapfuye bo ari 10.436.

Yanduye iki cyorezo nyuma y’iminsi mike ashyize hanze indirimbo nshya yise Sound.