Shaddyboo yasabye imbabazi abafana be
Mbabazi Shadia uzwi nka Shaddyboo ku mbuga nkoranyambaga, yarekuwe nyuma yo gufatirwa mu Karere ka Rutsiro, ari kumwe n’Umuhanzi King James, Muhire William uzwi nka K8 Kavuyo n’abandi barenze ku mabwiriza yo kwirinda COVID-19.
Akimara kurekurwa kuri uyu wa Kabiri tariki 03 Kanama 2021, Shaddyboo yasabye imbabazi abamukurikira ku mbuga nkoranyambaga aho yanditse ku rukuta rwe rwa Twitter ati: “I’m so Soory”.
I m so sorry !🙏
— Shaddyboo ( Mbabazi Chadia) (@shaddyboo__92) August 3, 2021
N’ijambo ryashimishije abamukurikira kuko bamwe aribwo bahise bamenya ko yarekuwe, nyuma y’iminsi igera kuri itanu aba bombi bafungiye kuri Sitasiyo ya Polisi ya Gihango mu Karere ka Rutsiro bazira kutubahiriza amabwiriza ya COVID-19.
Ibi byamamare byafashwe tariki 29 Nyakanga 2021 mu Karere ka Rutsiro mu Murenge wa Boneza, bavugaga ko bari bagiye mu bikorwa by’ubucuruzi mu gihe Polisi yo isobanura ko bafashwe bari kunywa inzoga barenze ku mabwiriza yo kwirinda Covid-19.
Kuri uyu wa Kabiri tariki 3 Kanama 2021, barekuwe nyuma yo kwigishwa no kugirwa inama zo gukomeza kwirinda COVID-19.
