Umunyamakuru Jerry Springer azize kanseri
Umunyamakuru w’umunyamerika wamamaye cyane kuri television Jerry Springer yapfuye ku myaka 79 nyuma yo kurwana n’indwara ya kanseri.
Nk’uko byatangajwe n’umuryango wa nyakwigendera kuri uyu wa kane tariki 27 Mata 2023, uyu munyamakuru wakunzwe mu kiganiro cya ‘Jerry Springer Show’ ko yitabye Imana mu mahoro aguye mu rugo rwe i Chicago.
Yari amaze amezi make bamusanganye kanseri y’urwagashya kandi iyo ndwara yarushijeho kwiyongera muri iki cyumweru, bikaba intandaro y’urupfu rwe.
Jene Calvin warusanzwe ari inshuti ya nyakwigendera akaba n’umuvugizi w’umuryango we, yavuze ko Jerry yarafite ubushobozi bwo guhuza abantu ku bw’umutima w’ubutsinzi muri byose ubwo yageragezaga bikaba zari intumbero ze za politike, mu gutangaza cyangwa mu gusetsa kumihanda byatumaga bamwe bashaka kumufatiraho amafoto cyangwa bumva avuga.
Yongeye ko ntawuzigera amusimbura kandi ko asize icyuho gikomeye ariko ibyo yakoze n’umutima we mu gusetsa bizaguma muri benshi.
Mbere yo kuba umunyamakuru wa televiziyo uzwi cyane, Springer yari umunyapolitiki wakoraga mu Nama Njyanama y’Umujyi wa Cincinnati mu 1971 maze atorerwa kuba umuyobozi w’umujyi mu 1977. Aho yayoboye manda imwe.
Yatangije ikiganiro cye kitari kizwi mu 1991 kandi gikomeza kugeza muri 2018, cyamaze imyaka 27. Yakiriye kandi umucamanza Jerry mu myaka itatu.
Nyakwigendera asize umukobwa umwe na mushiki we.
Umutwe wa M23 biravugwa ko wamaze kuva mu gace ka Kamandi Gîte wari warigaruriye mu…
Muligande Jacques uzwi ku izina na Mighty Popo warusanzwe umenyerewe mubyo kwigisha umuzika yatangiye urugendo…
Urukiko rw’Ibanze rwa Kicukiro rwategetse ko Miss Nshuti Muheto Divine wabaye nyampinga w’u Rwanda mu…
Nsengabo Jean Bosco wamamaye nka Fatakumavuta ku mbuga nkoranyambaga no mu itangazamakuru, yakatiwe gufungwa iminsi…
Mu gihe ejo kuwa 05 Ugushyingo 2024 Abanyamerika bazinduye mu matora ya Perezida wa Leta…
Kuri uyu wa 05 Ukuboza 2024, muri Leta Zunze Ubumwe z’Amerika, hari kubera amatora y’Umukuru…