Zlatan Ibrahimovic yasezeye gukina Ruhago

Zlatan Ibrahimovic wanyuze mu makipe menshi yasezeye gukina ruhago nk’ababigize umwuga.

Uyu mukinnyi wabaye igikomerezwa mu mupira w’amaguru ku Isi yasezeye gukina umupira w’amaguru ku myaka 41 y’amavuko.

Zlatan Ibrahimovic wamaze umwaka wose azozwe n’imvune mu ikipe ya Ac Milan yabarizwagamo kuri ubu niwe watangaje ko asezeye gukina umupira w’amaguru.

Zlatan Ibrahimovic ukomoka muri Sweden yanyuze mu makipe menshi afite amazina akomeye ku Isi Aho twavugamo nka Manchester united, Paris Saint Germain, Inter de Milan, Ac Milan n’izindi.

Ibrahimovic yaherukaga kugaragara ku kibuga ubwo yaragiye kureba umukino wa nyuma wa Ac Milan tariki 4 Gicurasi wa Shampiyona yo mu Butaliyani Seria A ku kibuga cyayo i San Siro.

Uyu mugabo w’imyaka 41 y’amavuko amasezerano ye mu ikipe ya Ac Milan yagombaga kurangira muri uku kwezi kwa Kamena, aho yatangaje ko adateze kuyongera kubera imvune zamuzonze.

Zlatan Ibrahimovic asezeye kuri ruhago nyuma yo kuba ariwe watsindiye ibitego byinshi ikipe y’Igihugu Sweden, aho yatsinze ibitego 62 mu mikino 121.

Zlatan mu mwaka 2016 yasezeye gukinira ikipe y’Igihugu nyuma yuko itabashije gutwara irushanwa rya Euro ariko 2021 aza kugaruka mu gushakira ikipe ye y’Igihugu itike y’igikombe cy’Isi ntiyahirwa.

Yafashije kandi ikipe y’abana bato ba Sweden kwegukana igikombe cya Eredivisie i Amsterdam bwa mbere mu mateka ye mbere yuko ajya kumara imyaka ine muri Juventus. Nyuma yuko muri Juventus yajemo ikibazo cyo gushinjwa kugura imikino byatumye, uyu mukinnyi w’umunya-Sweden yerekeje muri Inter de Milan aho yatwaye ibikombe bine bya shampiyona Serie A.

Yamaze igihe gito kandi muri Barcelona nyuma aza gusubira mu Butaliyani atijwe muri Ac Milan.