Imibare ya Tour du Rwanda kuva yatangira kugeza kuri iyi nshuro

Ku nshuro ya 16 mu Rwanda hagiye gukinwa isiganwa, Tour du Rwanda. Kuri iyi nshuro rigiye gukinwa n’ibihangange bitandukanye muri byo umunani bakinnye Tour de France

Taliki 18, Gashyantare, 2024 nibwo iri rushanwa rikomeye mu mukino w’amagare riri butangire.

Kuva mu mwaka wa 2008 ryatangiye kuba mpuzamahanga.

Isiganwa ry’uyu mwaka rizaba ririmo amakipe akomeye n’abakinnyi bakomeye bayobowe na Chris Froome wegukanye Tour de France inshuro enye.

Hazaba hari n’abandi bakinnyi barindwi bakinnye Tour de France mu bihe bitandukanye.

Kugeza ubu Umunyarwanda Valens Ndayisenga, n’umunya-Eritrea Tesfatsion Natnael ni bo bamaze kuyegukana kenshi kuko buri wese yayitwaye inshuro ebyiri.

Icyakora, undi mwihariko iry’uyu mwaka rifite ni uko abo bakinnyi bombi tuvuze nyuma nta n’umwe uzaryitabira.

Abamaze kwegukana Tour du Rwanda inshuro nyinshi

1 Ndayisenga Valens 2 (2014, 2016)

2 Tesfatsion Natnael 2 (2020, 2022)

3 Girdlestone Dylan 1 (2013)

4 Areruya Joseph 1 (2017)

5 Nsengimana Jean Bosco 1 (2015)

6 Rodríguez Cristián 1 (2021)

7 Mugisha Samuel 1 (2018)

8 Mulubrhan Henok 1 (2023)

9 Kudus Merhawi 1 (2019)

10 Reijnen Kiel 1 (2011)

11 Lill Darren 1 (2012)

12 Jelloul Adil 1 (2009)

13 Teklehaimanot Daniel 1 (2010)

Abamaze kwitabira Tour du Rwanda inshuro nyinshi

1 Nsengimana Jean Bosco 12 2012 2023

2 Byukusenge Patrick 11 2013 2024

3 Eyob Metkel 10 2012 2024

4 Hategeka Gasore 9 2009 2017

5 Lagab Azzedine 8 8 2013 2022

6 Byukusenge Nathan 8 2009 2016

7 Kangangi Suleiman 8 (2011-2020)

8 Uwizeyimana Bonaventure 8 (2012-2019)

9 Mugisha Samuel 7 (2016-2022)

10 Ndayisenga Valens 7 (2013-2019)

11 Ruhumuriza Abraham 7 (2009-2016)

12 Uwizeye Jean Claude 7 (2014-2020)

13 Hadi Janvier 6 (2011-2018)

14 Buru Temesgen 6 (2013-2020)

15 Areruya Joseph 6 (2015-2021)

16 Mwangi Samwel 6 (2009-2016)

17 Niyonshuti Adrien 6 (2009-2018)

18 Biziyaremye Joseph 6 (2011-2016)

19 Munyaneza Didier 6 (2017-2024)

20 Mugisha Moise 6 (2018-2024)

21 Manizabayo Eric 6 (2018-2023)

Abamaze kwegukana agace (Etapes/Stages) inshuro nyinshi

RESTREPO Jhonatan Valencia 6
NDAYISENGA Valens 5
EYOB Metkel 5
NSENGIMANA Jean Bosco 5
BOILEAU Alan 4
LAGAB Azzedine 4
DEBESAY Mekseb 4
REIJNEN Kiel 4
KUDUS Merhawi 3
RUGG Timothy 3
Muri iyi Tour du Rwanda ya 2024, abakinnyi 57 mu 100 bahwanye na 60% bazayitabira bazaba ari bashya.

Ni ubwa mbere bazaba bakinnye Tour du Rwanda, mu gihe umwaka ushize wa 2023 abakinnyi bashya banganaga na 70.5%.

Umugabane wa Afurika ni wo ufitemo benshi (46) barimo 14 bo mu Rwanda, u Burayi buzaba bufite abakinnyi 41, Asie-Océanie abakinnyi batanu (5), naho Amerika ikagira batatu (3).

Kuva mu mwaka wa 2009 Tour du Rwanda imaze kwitabirwa n’abakinnyi 754, uyu mwaka ubwenegihugu (nationalités) bushya buzagaragaramo ni butatu (UAE, Biélorussie na Monaco), mu gihe abazitabira uyu mwaka muri rusange bakomoka mu bihugu 24 bitandukanye.

Amakipe arindwi mashya azagaragara muri Tour du Rwanda 2024 ni Astana Qazaqstan Development (Kazakhstan), Team Polti-Kometa (Italie), UAE Team Emirates Gen Z (UAE), Groupama-FDJ Conti (France), Lotto DSTNY Development (Belgique), Bingoal WB (Belgique) na Java-Inovotec (Rwanda), mu gihe mu mwaka wa 2023 amashya yari amakipe icyenda, naho mu mwaka wa 2022 yari atanu.

Ibihugu bifite abakinnyi benshi ni u Rwanda (14), Ububiligi (11), Erythrée (9), Ubufaransa (8)na Ethiopie (7)

Ibihugu byagize abakinnyi benshi kuva muri 2009 kugeza 2024:

Rwanda : 226
Ubufaransa : 99
Erythrée : 93
Afurika y’Epfo : 77
Ethiopie : 60
Kenya : 57
Algérie : 49
Ububiligi: 43
Amerika : 33

10. Cameroun : 32

Umunyarwanda Jean-Bosco Nsengimana niwe mukinnyi umaze kwitabira Tour du Rwanda inshuro nyinshi ariko ubu akaba atazakina.

Abandi bamaze kwitabira inshuro nyinshi ni Patrick Byukusenge (11), Metkel Eyob (10), Azzedine Lagab (9), Joseph Areruya (7) na Eric Manizabayo (7).

Eritrea ni cyo gihugu kimaze kwegukana uduce (etape) twinshi (26), igakurikirwa n’u Rwanda (19), u Bufaransa (11), Afurika y’Epfo na Maroc (9), Colombie n’Amerika (8).

Abakinnyi batandatu muri aba begukanye uduce ni bo gusa bazakina iyi Tour du Rwanda ari bo: Jhonatan Restrepo, Metkel Eyob, Azzedine Lagab, Moise Mugisha, Merhawi Kudus na Joseph Areruya.

Ku myaka 20 n’amezi 8, Samuel Mugisha ni we wegukanye Tour du Rwanda akiri muto mu mwaka wa 2018, agakurikirwa na Natnael Tesfazion wayitwaye afite imyaka 20 n’amezi 9 mu mwaka wa 2020, mu gihe ku myaka 18 n’amezi 10, Merhawi Kudus ari we watwaye agace akiri muto mu mwaka wa 2012.

Mu bakinnyi bazitabira Tour du Rwanda 2024, umunani babashije gukina isiganwa “Tour de France” ari bo: Chris Froome (inshuro 10 anayitwara inshuro 4), Julien Simon (8), Pierre Latour (5), Tsgabu Grmay (3), Merhawi Kudus (1), Paul Ourselin (1) na Fabien Doubey (1).