Perezida Kagame yagabiye Inka bamwe mu bahanzi batuye ahazwi nka Karumuna mu Karere ka Bugesera-AMAFOTO

Ku gicamunsi cyo kuri iki Cyumweru, Perezida Paul Kagame arikumwe na Madamu Jeannette Kagame bahuye n’abamwe mu bahanzi batuye ahazwi nka Karumuna mu Karere ka Bugesera abatembereza mu rwuri rwe ruherereye muri ako Karere ndetse aranabagabira.

Abahanzi barimo nka Butera knowless, Platini P, Nel Ngabo, Tom close basanzwe batuye ahazwi nko mu karumuna mu karere ka Bugesera nibo bagabiwe n’umukuru w’igihugu Nyakubahwa Perezida Paul Kagame.

Aba kandi barimo abahanzi babashije kugenda mu bikorwa byo kwamamaza umukandida wa FPR Inkotanyi ariwe Paul Kagame. 

Aha twavuga nka Butera Knowless na Nel Ngabo. Aba bahanzi bose bagaragaje ibyishimo bidasanzwe byo kuba batemberejwe mu rwuri rwa Perezida Paul Kagame, aho ndetse banamushimiye kuba yabagabiye.

Ni amarangamutima menshi bamugaragarije babinyujije ku bitekerezo banyujije ku mbuga nkoranyambaga zabo.