Abakobwa bahataniye abazavamo Nyampinga wa Uganda barwaniye mu mwiherero

Abakobwa bazatoranywamo uzaba Nyampinga mu gihugu cya Uganda barwaniye mu mwiherero mbere y’uko batoranywa.

Abakobwa batandukanye bahatanye mu Irushanwa rya Miss Uganda barwaniye mu mwiherero nk’uko bigaragara mu mashusho yakwirakwiye ku mbuga nkoranyambaga.

Mu mashusho aba bakobwa baba bahanganye aho afatana mu mashati kugera ubwo bakizwaga n’abari hafi aho bashinzwe iri rushanwa.

Aba bakobwa barwanye mu gihe habura iminsi mike ngo hatorwe Nyampinga w’iki gihugu mu muhango utegerejwe ku wa 3 Kanama uyu mwaka.

Hannah Karema Tumukunde unafite inkomoko mu Rwanda niwe wambaye ikamba riheruka, aho biteganyijwe ko uzatorwa aha azahita amusimbura.