Abaminisitiri b’ububanyi n’amahanga n’ab’ingabo bo mu muryango wa Afurika y’iburasirazuba (EAC) bahuriye i Nairobi muri Kenya, mu nama yiga ku mutekano wo mu Burasirazuba bwa Repubulika Iharanira Demokarasi ya Congo.
U Rwanda rwari ruhagarariwe na Minisitiri w’Ububanyi n’Amahanga n’Ubutwererane, Ambasaderi Olivier Nduhungirehe, na Minisitiri w’Ingabo, Juvenal Marizamunda.
Minisitiri w’Intebe akaba na Minisitiri w’Ububanyi n’Amahanga wa Kenya, Musalia Mudavadi, ni we wayiyoboye. Bemeranyije ko hakwiye ubufatanye mu gukemura ibibangamiye umutekano.
Minisitiri Nduhungirehe yatangaje ko muri iyi nama, abaminisitiri bashyigikiye imyanzuro y’abagaba bakuru bo muri EAC n’umuryango wa Afurika y’Amajyepfo (SADC) irebana no guhagarika imirwano n’ubushotoranyi mu Burasirazuba bwa RDC ndetse n’ibikorwa by’ubutabazi.
Yasobanuye kandi ko baganiriye ku murongo w’ibiganiro bya politiki binyuze mu nzira ya Luanda-Nairobi birebana n’ikibazo cya RDC, bizitabirwa n’abahuza batatu: Olusegun Obasanjo wayoboye Nigeria, Uhuru Kenyatta wayoboye Kenya na Hailemariam Desalegn wabaye Minisitiri w’Intebe wa Ethiopia.
Inama y’abaminisitiri bo muri EAC ibanjirije izabahuza n’abo muri SADC tariki ya 17 Werurwe 2025, mu Mujyi wa Harare muri Zimbabwe, aho bazaba baganira ku buryo intambara yo mu Burasirazuba bwa RDC yahagarara.
Ni inama ishingira ku myanzuro yafashwe n’abakuru b’ibihugu byo muri EAC na SADC ubwo bahuriraga i Dar es Salaam muri Tanzania tariki ya 8 Gashyantare, irimo guhagarika imirwano n’ubushotoranyi hagati y’impande ziri mu ntambara muri RDC no korohereza ibikorwa by’ubutabazi.
Umuyobozi Mukuru wa Transparency International Rwanda, Ingabire Marie Immnaculeé yitabye Imana mu gitondo cyo kuri…
Ishyirahamwe ry’Imikino yo Gusiganwa ku Magare (UCI), ryahaye Perezida Paul Kagame igihembo gihabwa abakoze ibikorwa…
Inyubako y’imikino n’imyidagaduro ya BK Arena igiye gukora amateka yo gutangiriramo Shampiyona y’Isi y’Amagare ku…
Umuhanzi Niyo Bosco yambitse impeta umukunzi we Mukamisha Irene biyemeje kurushinga mu minsi iri imbere.…
Urwego ry’Igihugu rw’Ubugenzacyaha, RIB, rwatangaje ko dosiye ya Kalisa Adolophe uzwi cyane ku izina rya…
Urwego rw’Ubugenzacyaha (RIB), rwatangaje ko rufatanyije na Polisi y’u Rwanda, ruri gukora iperereza ku kuri…
View Comments
The root cause of DRC PROBLEMS is the current president Tsisekedi who has discrimination and he does not want to talk with M 23 but he want to shift the case to Rwanda in addition to helping FDR which is against Rwanda 🇷🇼. Please DRC and its supporters stop disturbing 🇷🇼.