Amerika mu nzira yo guhagarika zimwe muri Ambasade zayo mu bindi bihugu ihereye muri Kongo
Bivugwa ko ubuyobozi bwa Trump bwatangiye gutekereza gufungisha za ambasade zayo zigera kuri 30 ku isi, harimo nyinshi zo muri Afurika, muri gahunda yo guhagarika umubano n’ibindi bihugu mu buryo bwa dipolomasi.
Ibi byahishuwe mu nyandiko y’imbere muri Minisiteri y’ububanyi n’amahanga ya Amerika, yabonywe na CNN dukesha iyi nkuru.
Inyandiko ivuga ko ambasade zirimo iya Repubulika Iharanira Demokarasi ya Kongo, Repubulika ya Centrafrique, Lesotho, na Sudani y’Amajyepfo ziri mu zasabwe gufunga. Ambasade y’Amerika muri Afurika yepfo nayo irashobora guhagarikwa.
Ati: “Iyi nyandiko irasaba gufunga ambasade 10 n’ibindi bigo 17 bisabisabirwamo Visa. Imyanya myinshi iri mu Burayi no muri Afurika, n’ubwo irimo n’ahantu muri Aziya no muri Karayibe. Muri byo harimo ambasade muri Malta, Luxembourg, Lesotho, Repubulika Iharanira Demokarasi ya Kongo, Repubulika ya Centrafrique, na Sudani y’Amajyepfo.
Iyi raporo igaragaza igira ati: “Urutonde kandi rurimo n’ibigo bitanu bisabisabirwamo Visa byo mu Bufaransa, bibiri byo mu Budage, bibiri byo muri Bosiniya na Herzegovina, kimwe mu Bwongereza, kimwe muri Afurika y’Epfo, n’ikindi cyo muri Koreya y’Epfo.”
Iki cyifuzo kiri mu mbaraga nini zashyizweho na guverinoma iyobowe na Trump, bivugwa ko yatewe inkunga na Elon Musk ubishyigikiye kugira ngo igabanye cyane ingano ku mikoreshereze y’ibigo bya leta, harimo na Minisiteri y’ububanyi n’amahanga.
Inyandiko y’imbere iragaragaza kandi Amerika guhagarika imikoranire mu bihugu nka Somaliya na Iraki, yagizemo uruhare runini mu bikorwa byo kurwanya iterabwoba muri icyo gihugu.
Gusa kugeza ubu nta cyemezo cyemeza ko umunyamabanga wa Leta Marco Rubio yari yemeza iki cyifuzo.
