Umwarimu yakatiwe imyaka 30 nyuma yo kwemera ko yasambanyije abanyeshuri yigishaga

Uwahoze ari umwarimu yakatiwe igifungo cy’imyaka 30 azira ihohoterwa rishingiye ku gusambanya babiri mu banyeshuri be yigishaga.

Jacqueline Ma, wagizwe umwe mu “Barimu b’umwaka” mu 2022 ubwo yigishaga mu ishuri ribanza rya Lincoln Acres i San Diego, yemeye icyaha muri Gashyantare mu birego bibiri yashinjwaga by’ubusambanyi ku gahato byakorewe abana yigishaga, kimwe muri byo ni ibikorwa byo gusambanya umwana ku gahato ndetse n’icyaha cyo gutunga ibikoresho byo kureshya abana akabasambanya.

Ma, ufite imyaka 36, ​​yatawe muri yombi muri Werurwe 2023 nyuma yuko nyina w’umwe mu banyeshuri be bahoze bamushinja ko yoherereje umuhungu we ubutumwa budakwiye. Icyaha yaje guhamwa ku ya 8 Gicurasi 2025.

Umushinjacyaha wo mu Karere ka San Diego, Summer Stephan, mu ijambo rye yagize ati: “Uyu uregwa yarenze ku cyizere yagiriwe ku banyeshuri be mu buryo bukabije kandi buteye ubwoba, kandi ibikorwa bye ni agasuzuguro. Abahohotewe bagomba guhangana n’ingaruka mbi z’ubuzima bwabo bwose, kandi igihano cy’imyaka 30 kikaba gikwiye.”

Iri tangazo ryakomeje rigira riti: “Nta mwana ukwiriye ibyo uregwa yakoze, kandi ndizera ko iki gihano kizatanga ubutabera ku bahohotewe, imiryango yabo ndetse n’abaturage basigaye bahangayikishijwe n’ibyaha by’uregwa”. 

DA yatangaje mu itangazo rigenewe abanyamakuru ko Ma yatunganije umwe mu banyeshuri be bato mu gihe kirenga umwaka mbere yo kumukorera ibikorwa bishingiye ku gitsina afite imyaka 12.

Nyuma yuko ababyeyi b’umuhungu batamwemereye kugira imbuga nkoranyambaga cyangwa ibikoresho by’ikoranabuhanga, Ma yashyizeho “uburyo bwe butemewe nyuma y’ishuri maze amutegeka kujya bavugana nawe binyuze muri gahunda isaba kuganirira ku ishuri.”

Amakuru yaje gushyirwa hanze avuga ko ihohoterwa rishingiye ku gitsina ryakomereje mu ishuri amezi atatu mu gihe ababyeyi b’umuhungu batari babizi.

Muri 2020, Ma yasambanyije undi muhungu warufite imyaka 11 icyo gihe. Yakomeje ategura abo bahungu bato bombi “abashukisha hamwe impano, ibiryo ndetse no kwitabwaho bidasanzwe” kandi “yizewe n’ababyeyi kubera izina rye ndetse n’uko yabitagaho ubwe mu iterambere ryabo.”

Ma yatangiye kwigisha mu ishuri ribanza rya Lincoln Acres riherereye mu Mujyi mu mwaka wa 2013. Yagizwe umwe mu “Barimu b’umwaka” n’ikigo cy’uburezi cya San Diego mu mwaka w’amashuri wa 2022-2023.