Umujyi wa Kigali ukomeje kugaragaramo ubwandu bwinshi bwa COVID-19

Umujyi wa Kigali ukomeje kugaragaramo ubwandu bwinshi bwa Covid-19, aho abantu 532 ari bo banduye iki cyorezo mu masaha 24 ashize, hakuna hamaze kugaragara abagera ku 1164 mu masaha 48 gusa.

Mu itangazo rya Minisiteri y’Ubuzima ryo kuri uyu wa kabiri rivuga ko abarwayi bashya bagaragaye uyu munsi tariki 28 Ukuboza 2021 ari 998, aba baturutse mu bipimo 17,786, Umugore umwe w’imyaka 32 wo mu karere ka Musanze niwe wahitanwe na COVID-19.

Abarwayi bashya bagiye mu bitaro ni 12, mu gihe abagiye mu bitaro mu minsi irindwi ari 56 harimo abarembye bane. Imibare ya Minisiteri y’Ubuzima yerekana ko mu minsi irindwi yonyine hagaragaye abarwayi bashya 4,755 bangana na 4 ku ijana, abenshi bakaba baragaragaye mu mujyi wa Kigali.

Kugeza ubu abamaze guhabwa dose ya mbere y’urukingo rwa COVID-19 ni: 7.629.877 Abamaze guhabwa dose ya kabiri y’urukingo: 5.435.180 Abamaze guhabwa dose ishimangira: 130.155.