Umugabo n’umugore bapfiriye mu mpanuka y’imodoka

Mu gihugu cya Nigeria haravugwa inkuru y’umugabo w’umupolisi witwa Anas Bello Bundungu n’umugore we witwa Hassana Musa Yusuf bapfuye bazize impanuka y’imodoka.

Ibi byago by’impanuka byabaye ku wa gatanu, tariki 5 Gicurasi 2023, muri Leta ya Sokoto.  

Umugore we yahise apfira aho mu gihe umugabo we Anas yahise ajyanwa ku bitaro byitwa UDUTH, Sokoto, ari naho yapfiriye ku wa kabiri, tariki ya 9 Gicurasi.

Aba bombi bashakanye umwaka ushize.

Ku wa gatatu, tariki ya 10 Gicurasi, mugenzi we wa nyakwigendera bakoranaga mu gipolisi, ASP Isah Lukman Imamu, nawe yemeje aya makuru ababaje ku rubuga rwa Facebook, aho yavuze ko abo bashakanye bari bagiye mu bukwe bw’incuti yabo ubwo iyo impanuka yabaga.

Nta makuru yisumbuyeho yatanzwe kucyateye iyo mpanuka.