Ikipe ya Rayon Sports yegukanye igikombe cy’Amahoro umwaka 2022/2023 itsinze APR Fc wegukanye shampiyona y’u Rwanda.
Ni umukino wabereye kuri stade mpuzamahanga ya Huye, aho Rayon Sports yegukanye igikombe ku ntsinzi y’igitego 1-0.
Igitego kimwe rukumbi cyagaragaye mu mukino cyatsinzwe n’umukinnyi witwa Ndengahimana Eric ku munota wa 40 w’igice cya mbere.
Uyu mukino watangiye ukerereweho nkuko byari biteganyijwe kubera gukekanaho ibijyanye n’amarozi. Buri kipe yagiye ivugwa ko yarozwe ku myanya yari yabugenewe yo kwicaramo abakinnyi babasimbura.
Byatumye umukino utangira harenzeho iminota 25 ku isaha yari yateganyijwe ya Saa Cyenda zuzuye z’amanywa (15H00’).
Rayon Sports yarangije ku mwanya wa gatatu muri shampiyona y’u Rwanda yinjiye mu kibuga ishaka igikombe kubera ishaka kuzasohokera igihugu mu mikino ya CAF Confederation Cup.
Ikipe ya Rayon sports yinjiye mu mukino kare kurusha APR Fc ari nako ishaka igitego ariko bikanga, ku munota wa 40 w’igice cya mbere nibwo igitego cyabonetse gitsinzwe na myugariro Eric.
Ikipe yambara ubururu n’umweru yegukanye igikombe cya cumi cy’igikombe cy’Amahoro, n’igikombe yaherukaga mu mwaka 2016 ubwo yacyegukanaga intsinze APR Fc igitego 1-0 cyatsinzwe ku munota wa nyuma w’umukino n’umukinnyi Diarra.
Rayon Sports yegukanye igikombe yagenewe amafaranga angana na miliyoni 10 Frw.
Umutwe wa M23 biravugwa ko wamaze kuva mu gace ka Kamandi Gîte wari warigaruriye mu…
Muligande Jacques uzwi ku izina na Mighty Popo warusanzwe umenyerewe mubyo kwigisha umuzika yatangiye urugendo…
Urukiko rw’Ibanze rwa Kicukiro rwategetse ko Miss Nshuti Muheto Divine wabaye nyampinga w’u Rwanda mu…
Nsengabo Jean Bosco wamamaye nka Fatakumavuta ku mbuga nkoranyambaga no mu itangazamakuru, yakatiwe gufungwa iminsi…
Mu gihe ejo kuwa 05 Ugushyingo 2024 Abanyamerika bazinduye mu matora ya Perezida wa Leta…
Kuri uyu wa 05 Ukuboza 2024, muri Leta Zunze Ubumwe z’Amerika, hari kubera amatora y’Umukuru…