Umusifuzi mpuzamahanga w’Umunyarwandakazi, Mukasanga Salima yatangiye gusarura ku mbuto y’amafaranga yakoreye, aho yibitseho imodoka nshya ya Dongfeng Aeolus HUGE 2024 Hybrid iri mu zihenze kuko ibarirwa n’agaciro k’ibihumbi 36$, ni ukuvuga asaga miliyoni 46 Frw.
Mu butumwa bwanyujijwe ku rubuga rwa X yahoze ari Twitter, Ikigo Carcarbaba Ltd gikora ubucuruzi bw’imodoka za Dongfeng Motor Ltd mu Rwanda cyashimiye Mukansanga ko yaguze iyi modoka ya Dongfeng HUGE Hybrid.
Nkuko amakuru yatangajwe kuri urwo rubuga ni uko Mukansanga yaguze iyi modoka ku wa Kane, tariki ya 25 Werurwe 2024, aho igiciro cyayo ari ibihumbi 36$ (asaga miliyoni 46 Frw).
Dongfeng Aeolus HUGE 2024 Hybrid ikoresha amashanyarazi na lisansi, inywa litiro 55 kugira ngo yuzure, ndetse ifite ubushobozi bwo gutwara abantu batanu. Yihariye kandi kuba idasohora umwuka muri shampoma.
Ku myaka 35, Mukansanga Salima yasifuye amarushanwa atandukanye arimo Igikombe cy’Isi cy’Abagabo cyabereye muri Qatar mu 2022 ndetse n’Igikombe cya Afurika cyabereye muri Cameroun mu ntangiriro z’uwo mwaka.
Yasifuye kandi Igikombe cy’Isi cy’Abagore inshuro ebyiri, mu 2019 na 2023, ndetse n’Imikino Olempike yabereye i Tokyo mu Buyapani mu 2021.
Ibi byose bimugira Umusifuzikazi w’Umunyarwanda umaze iminsi ahagaze neza aho aza ku rutonde rw’ababigize umwuga muri Afurika kandi bubashywe kubera ubuhanga yagaragaje, bikaba bimuhesha guhembwa 2000$ ku kwezi.
Umutwe wa M23 biravugwa ko wamaze kuva mu gace ka Kamandi Gîte wari warigaruriye mu…
Muligande Jacques uzwi ku izina na Mighty Popo warusanzwe umenyerewe mubyo kwigisha umuzika yatangiye urugendo…
Urukiko rw’Ibanze rwa Kicukiro rwategetse ko Miss Nshuti Muheto Divine wabaye nyampinga w’u Rwanda mu…
Nsengabo Jean Bosco wamamaye nka Fatakumavuta ku mbuga nkoranyambaga no mu itangazamakuru, yakatiwe gufungwa iminsi…
Mu gihe ejo kuwa 05 Ugushyingo 2024 Abanyamerika bazinduye mu matora ya Perezida wa Leta…
Kuri uyu wa 05 Ukuboza 2024, muri Leta Zunze Ubumwe z’Amerika, hari kubera amatora y’Umukuru…