Amwe mu mateka ya Kane Tanaka wari ukuze cyane ku Isi wapfuye afite imyaka 119

Nubwo atigeze agera ku ntego ye y’imyaka 120, Umuyapanikazi Kane Tanaka yitabwagaho bihagije kugira ngo abe umuntu ukuze ku isi, agahigo yari afite mu myaka itatu ishize, akagakesha kwitabwaho n’umuryango, ibitotsi, ibyiringiro no kwizera.

Ubuyobozi bw’Ubuyapani bwatangaje ko Tanaka yapfuye mu cyumweru gishize afite imyaka 119. Tanaka wabaga mu kigo cyita ku bageze mu za bukuru i Fukuoka, yapfiriye mu bitaro ku wakabiri w’icyumweru gishize n’ubwo bitahise bitangazwa.

Nk’uko Guinness World Records ibivuga, Tanaka yavutse imburagihe ku ya 2 Mutarama 1903 – muri uwo mwaka abavandimwe Wright bazanye indege ifite ingufu ku isi. Yari umwana wa karindwi mu muryango we.
Igihe yari afite imyaka 19, yashakanye na Hideo Tanaka, kandi bafatanya mu bucuruzi bwo mu muryango kugurisha umuceri muri udon na dessert zo mu Buyapani.

Inkuru ducyesha npr.org ivuga ko Takan yabyaye abana bane arera n’uwa gatanu.

Tanaka yakundaga shokora na soda. Mu birori byo kwerekanwa 2019 mu kwizihiza ko ari umuntu ushaje cyane, yahawe agakarito ka shokora ahita agafungura atangira kurya.

Tanaka yatoranyijwe kugira ngo atware itara rya Olempike mu rwego rwo kwerekana itara mu mikino Olempike yabereye i Tokiyo, ariko bene wabo basanze byamushyira mu kaga cyane bitewe na COVID-19.

Mu ntangiriro z’uku kwezi, Tanaka yarushije Sarah Knauss wo muri Amerika kuba umuntu wa kabiri muremure mu mateka yanditswe. Jeanne Louise Calment, Umufaransa wapfuye mu 1997, akomeza kuba umuntu muremure kumyaka 122 n’iminsi 164.

Umuntu ushaje cyane muri iki gihe bivugwa ko ari Lucile Randon, umubikira w’Abafaransa w’imyaka 118. Randon kandi niwe muntu ushaje uzwi kurokoka COVID-19 icyorezo kibasiraga abageze mu zabukuru cyane kurusha abandi.