Ali Hassan Mwinyi wayoboye Tanzania ararembye

Ibiro bya Perezida wa Zanzibar byatangaje ko uwahoze ari Perezida wa Tanzania, Ali Hassan Mwinyi, yajyanywe mu bitaro kuri uyu wa Gatatu kubera uburwayi afite mu gatuza.

Mwinyi w’imyaka 98, umuryango we watangaje ko ubu ari kwitabwaho n’abaganga, ndetse basaba ko hakorwa amasengesho rusange yo gusabira uyu mukamnbwe.

Ali Hassan Mwinyi yabaye Perezida wa kabiri wa Tanzania kuva mu 1985 kugeza mu 1995. Umuhungu we Dr Hussein Ali Mwinyi kuri uyu niwe Perezida wa Zanzibar.