APR Fc yari yakiriye ikipe ya Kiyovu Sports byarangiye aya makipe yombi anganyije igitego 1-1, mugihe Mukura Vs yakorewe comeback na Rayon Sports iyitsinda 3-2.
Aya makipe yose yakinaga imikino ibanza ya ½ cy’igikombe cy’Amahoro ku bibuga bitandukanye.
APR Fc yari yakiriye mu Bugesera Kiyovu Sports yabanje gutsinda igitego mu gice cya mbere gitsinzwe na Kwitonda Alain ku munota wa 24 igice cya mbere kirangira gutyo.
Igice cya kabiri amakipe yombi yakomeje gutambaza imipira ari nako hashakishwa igitego cyo kwishyura ku ruhande rwa Kiyovu Sports naho APR Fc ishaka icya kabiri cyo gushimangira intsinzi.
Ku munota wa 74 Kiyovu Sports yitwaraga neza yaje kubona igitego cyayo cyatsinzwe na Mugiraneza Froduard Umukino urangira amakipe anganyije.
Rayon Sports yakoze akantu i Huye
Kuri Stade mpuzamahanga ya Huye Rayon Sports yatokoje ikipe ya Mukura Vs yari imbere y’abafana yishyura ibitego 2 yari yatsinzwe ikongezamo ni cya gatatu cy’itsinzi.
Ibitego bibiri bya Mukura Vs yatsinze Rayon Sports yatunguwe itsindwa igitego cya mbere cyaje cyihuse ku munota wa 1 gusa gitsinzwe na Kamanzi Achraf, mugihe icya kabiri cyatsinzwe na Mukyogotya Robert ku munota wa 28 igice cya mbere kirangira gutyo.
Rayon Sports yagiye mu rwambariro ikosora amakosa yose yinjira mu gice cya kabiri ubona ko ifite inyota yo gutsinda nyuma y’iminota ibiri gusa Luvumbu Heritier yahise ayibonera igitego cya mbere, byahise bihindura isura ku kibuga aho Rayon Sports yakomeje gushakisha uburyo bwo kwishyura n’igitego cya kabiri.
Ku munota wa 81 Mukura Vs yari yarushinjwe bikomeye yahise itsindwa igitego cya kabiri n’umukinnyi witwa Joackim Ojera, ntibyarangiriye aho Rayon Sports yakomeje kugaragaza inyota yo kubona intsinzi umunya Cameroon Leandre Onana yaje gutsinda igitego cya gatatu ku munota w’inyongera wa 92 w’umukino.
Imikino y’igikombe cy’Amahoro ya ½ yo kwishyura izakinwa hagati tariki 13 na 14 Gicurasi 2023 kuri Kigali Pele Stadium i Nyamirambo.
Kuri uyu wa Gatatu, Maitre Gatera Gashabana wunganiraga Aimable Karasira yivanye muri uru rubanza ku…
Mu birori byo kwizihiza isabukuru y'imyaka icumi Urubyiruko rw'abakorerabishake rumaze rukora ibikorwa by'Ubwitange, Perezida Paul…
Ku gicamunsi cyo kuri uyu wa Mbere tariki 6 Gicurasi, mu Murenge wa Mugunga, Akarere…
Kuri uyu wa kabiri tariki 07 Gicurasi 2024, Urubyiruko rw'abakorerabishake rugera ku 7,500 rwaturutse mu…
Umugaba Mukuru w’Ingabo za Uganda, Gen Muhoozi Kainerugaba, ari muri Repubulika Iharanira Demokarasi ya Congo…
Kuri iki gicamunsi cyo kuri uyu wa Mbere, tariki 6 Gicurasi, mu Mujyi wa Kigali…