Hasohotse ingengabihe ya Premier League 2024/2025, Manchester United izabimburira izindi muri shampiyona

Hamaze gutangazwa ingengabihe ya shampiyona y’Icyiciro cya Mbere mu Bwongereza (Premier League) ya 2024/25, izatangizwa na Manchester United izaba yakiriye Fulham kuwa 16 Kanama 2024.

Ni mugihe Manchester City yatwaye igikombe giheruka izatangirira kwa Chelsea tariki ya 18 Kanama mu gihe Arsenal Fc yabaye iya kabiri, izakira Wolves tariki ya 17 Kanama.

Umwaka w’imikino mushya muri Premier League uzarangira ku wa 25 Gicurasi 2025.

Kuri uyu wa 18 Kamena nibwo abategura iyi shampiyona ikunzwe kurusha izindi ku isi bashyize hanze ingengabihe aho ikipe ya Arsenal mu mikino itanu ya mbere izaba ifitemo Man City na Tottenham.

Ikipe ya Man City yongeye kugira ingengabihe nziza kuko kuwa 05 Mata aribwo izakina umukino wa nyuma n’ikipe yo mu makipe atandatu ya mbere.

Bivuze ko nyuma y’iyo tariki nta mukeba wayo izahura nawe, azaba ari amakipe asanzwe.