Ikipe ya Mutsinzi Ange yatsinze umukino wa mbere muri UEFA Europa League
Myugariro w’ikipe y’Igihugu y’u Rwanda Amavubi na Zira FK, Mutsinzi Ange Jimmy yakinnye umukino we wa mbere warangiye batsinze FC Sherrif 1-0.
Zira FK yari yasuye FC Sherrif yo mu Moldova mu mukino ubanza w’ijonjora rya mbere ry’Imikino ya Europa League ku mugabane w’i Burayi.
Mutsinzi Ange Jimmy wari wabanje ku ntebe y’abasimbura yinjiye mu kibuga ku munota wa 77 asimbura umunya-Côte d’Ivoire, Stephane Acka.
Ange uheruka gutandukana na FK Jerv akerekeza muri Zira FK yo muri Azerbaijan, yakinaga umukino we wa mbere muri iyikipe.
Niwe mukinnyi w’Umunyarwanda wafunguriye abandi gukina Imikino yo ku mugabane w’iburayi muri uyumwaka w’Imikino wa 2024/25.
