Mikel Arteta yemeye kongera amasezerano yo gutoza Arsenal Fc
Umunya-Espanye utoza Arsenal Mikel Arteta yamaze kongera amasezerano muri iy’ikipe ibarizwa i Londres mu Bwongereza azamugeza muri 2027.
Nyuma y’ibiganiro byatangiye mu kwezi kwa Werurwe 2024, Arsenal yamaze kumvikana na Arteta ibijyanye no kongera amasezerano.
Ni amasezerano y’imyaka itatu nk’uko ikinyamakuru The Atletic k’ibitangaza ndetse, umutoza Arteta yamaze kwemera aya masezerano.
Umutoza Arteta yageze muri Arsenal muri 2019 nk’umutoza mukuru avuye muri Manchester city aho yari yungirije Pep Guadiola.
Uyu mutoza wafashije ikipe ya Arsenal cyane kuko mu myaka ibiri iheruka yaje ku mwanya wa kabiri ndetse ibona itike yo gukina imikno ya UEFA Champions League yaherukagamo mu myaka itandatu ishize.
Arteta kandi yakiniye iy’ikipe kuva muri 2011 ndetse aza kuyibera Kapiteni kuva 2014 kugera 2016 asoje gukina umupira.
Arteta yatwaranye na Arsenal igikombe cya FA Cup muri 2019-2020, arinacyo gikombe cya mbere yari atwaye nk’umutoza mukuru.
Mikel kandi yafashije Arsenal gusoza ku mwanya wa kabiri inshuro ebyiri zikurikirana inyuma ya Man City, ibintu byaherukanga mu myaka 42 ishize ndetse nibyo bihe byiza iy’ikipe igize kuva muri 2003-2004.
Nyuma y’imikino ya UEFA Nations League Arsenal iragaruka mu kibuga tariki 15 Nzeri, ikina na Tottenham mu mukino w’umunsi wa kane wa shampiyona y’Ubwongereza.
