Bwa mbere muri Real Madrid, Kylian Mbappé yakoze amateka
Kylian Mbappé nyuma yo gukabya inzozi zo gukinira ikipe ya Real Madrid, yahise ayikoreramo amateka y’umukinnyi wa mbere w’umufaransa uyitsindiye ibitego birenze 20 mu mwaka umwe muri shampiyona ya Espagne (La Liga).
Umufaransa ukinira Real Madrid yo muri Espagne, Kylian Mbappé, yakoze amateka yo kuba umukinnyi wa mbere ukomoka mu Bufaransa utsindiye iyi kipe ibitego biri hejuru ya 20 ku mwaka we wa mbere muri shampiyona y’iki gihugu, La Liga.
Ibi Mbappé yabigezeho ubwo Real Madrid yatsindaga Real Mallorca ibitego 2-1 mu mukino wa shampiyona wabaye mu ijoro ryo ku wa 14 Gicurasi 2025.
Uyu rutahizamu, yahise yuzuza ibitego 28 ku mwaka we wa mbere muri shampiyona ya La Liga, ahita aba Umufaransa wa mbere ukoze aya mateka.
N’ubwo shampiyona itararangira muri Espagne, igikombe cya shampiyona cyamaze kwegukanwa na FC Barcelona isanzwe ari umukeba wa Real Madrid.
