Boko Haram yinjiye muri Cameroon yica abarobyi barenga 20
Abantu bakoraga uburyo bagera kuri 27 bishwe abandi bane bashimuswe n’umugabo uzwi nka Jamā’at Ahl as-Sunnah lid-Da’wah wa’l-Jihād, uzwi cyane ku izina ry’umutwe w’iterabwoba wa Boko Haram, ku nkombe z’ikiyaga cya Tchad ku mupaka uhuza Cameroon na Nigeria.
Ku cyumweru, tariki ya 7 Mata, abaterabwoba bakekwaho kuba bakomoka mu mutwe wa Buduma wa Abou Ummaymah, bagabye igitero ku baturage bari bateraniye hamwe bakora uburobyi baturutse muri Nigeria ku kirwa cyizwi nka Kofiya hafi ya Darak mu gihugu cya Cameroon.
Amakuru y’ubutasi yatanzwe na Zagazola Makama, impuguke mu kurwanya iterabwoba n’isesengura ry’umutekano mu kiyaga cya Tchad, yatangaje ko uwo mutwe w’iterabwoba wategetse abahohotewe kuryama, bakababoha amaboko inyuma mu mugongo mbere yuko batangira kubica.
Aya makuru avuga ko uwo mutwe w’iterabwoba wanashimuse kandi abandi barobyi bane nyuma yo kubashinja kuneka umutwe wa Leta ya Kisilamu yo mu Ntara ya Afurika y’iburengerazuba (ISWAP).
Imirambo y’abarobyi bishwe yaje gutahurwa n’ingabo z’igihugu nyuma y’igikorwa cyo kubashakisha no gutabarizwa na bagenzi babo bakiriye amakuru y’abishwe ubwo bahungaga igitero cyari cyagabwe.
