Pyramids yitegura guhura na APR Fc yegukanye igikombe cy’igihugu-AMAFOTO
Ikipe ya Pyramids Fc yaraye yegukanye igikombe cya shampiyona cy’igihugu mu Misiri.
Ni mu mukino wabaye kuri uyu gatanu tariki 30 Kanama 2024, ubera kuri Borg El Alab Stadium Saa Mbili z’umugoroba.
Pyramids Fc yatwaye igikombe itsinze ikipe ya FC Masr igitego 1-0 cyabonetse ku munota wa 87 gitsinzwe na Fiston Mayele.
Iyi Pyramids Fc iri kwitegura kuzakina imikino y’ijonjora rya kabiri rya CAF Champions League tariki 13 Nzeri 2024, n’ikipe ya APR Fc kuri stade Amahoro.
Ni mugihe tariki 20 Nzeri 2024, hazakinwa umukino wo kwishyura ubere mu Misiri.
Si ubwa mbere ikipe ya APR FC igiye guhura na Pyramids Fc kuko muri 2023 ay’amakipe yombi yakinnye imikino ibiri muri Caf Champions League, aho mu mukino ubanza wabereye i Kigali banganyije 0-0, mu gihe umukino wo kwishyura wabereye mu Misiri ikipe ya Pyramids yanyagiye APR FC ibitego 6-1.
