Rayon Sports yasubiye ku ivuko kwizihiza imyaka 125 y’Umujyi wa Nyanza
Mu rwego rwo kwizihiza imyaka 125 Akarere ka Nyanza kamaze ari umurwa mukuru w’u Rwanda rwohambere ,hakozwe urugendo rwasuye ahantu Ndangamateka–Ndangamurage, rwayobowe n’Umuyobozi w’Akarere ka Nyanza Ntazinda Erasme.
Ku wa Kane tariki ya 5 Nzeri 2024 nibwo hasuwe ahandu Ndangamurage mu Kerere ka Nyanza igikorwa cyitabiriwe nabamwe mu bakozi ba Rayon Sports, n’abayobozi Ba Karere ndetse n’abaturage ba Karere ka Nyanza.
Ahasuwe:
1. Ibigabiro by’Umwami Yuhi V MUSINGA aho Umurwa wa Nyanza washingiwe mu1899.
2. Urukiko rw’Umwami Mutara III RUDAHIGWA ubu hari ikigo gitanga amakuruy’ubukerarugendo mu Karere ka Nyanza (Nyanza Information Center) Aha ni naho hari amateka ya Rayon Sports , Abahasuye basobanuriwe amateka yaRayon Sports n’aho ihurira n’Akarere ka Nyanza.
3. Ikaragiro rya Nyanza (Nyanza Milk Industries) ryashinzwe n’Umwami Mutara IIIRudahigwa mu 1937.
4. Ingoro ndangamurage yo kwigira iri ku Rwesero
5. Ingoro y’amateka y’Abami mu Rukari
6. Ku Musezero w’i Mwima aho ahatabarijwe Umwami Mutara III Rudahigwa, KigeriV Ndahindurwa n’Umwamikazi Rosalie Gicanda.
Rayon Sports irakina na Mukura VS kuri uyu wa 6 gatandatu kuri Stade ya Nyanza.
