Umuhanzi Jaguar akomeje kuba igitaramo ku mbuga nkoranyambaga
Umuhanzi ukomoka mu gihugu cya Kenya Charles Njagua Kanyi wamenyekanye nka Jaguar akomeje kugarukwaho nyuma y’amafoto yashyize ku mbuga nkoranyambaga akavugisha benshi.
Uyu muhanzi winjiye mu bya politike yagiye ku rukuta rwe rwa Twitter ashyiraho amafoto agaragaza imwe mu mitungo atunze harimo indege n’imodoka zirenze kandi zirenze imwe.
Aha kandi yarikumwe n’umukobwa basaga nabagiye kuryoshya ahantu habugenewe bicaye kumeza bigaragara ko yari yabateguriwe.
Bivugwa ko aya mafoto ashobora kuba arimo gutegura indirimbo afitanye n’umunya-Tanzania LavaLava yitegura gushyira hanze.
Aha Jaguar mu butumwa yaherekeje ayo mafoto yagize ati “Ntamuntu n’umwe ushobora ku kuruta wowe ubwawe.”
Uyu mugabo bivugwa ko ari mu batunze agatubutse mu gihugu cya Kenya, benshi babonye ibyo bahise batangira kumwibasira bavuga ko iyo mitungo abyiniramo ariyo yabanyunyujemo imitsi.
Uwiyita Mutuku yagize ati “Iyo ni imisoro yacu…[ageraho igitutsi tutatangaza].”
Bamwe ntibanatinye kuvuga ko ari ukwishongora ku misoro yabo atagakwiriye kuyerekana muri ubwo buryo.
Uwitwa Kevin Kiwumbe yagize ati “Ntampamvu yatuma Hon jaguar ahekenya imisoro yacu kuri kamera. Ibintu bimwe bigomba biba bikwiriye guhishwa!”.
Undi witwa Gideon Kitheka we yagize ati “Abagabo bazahora bambaye neza ariko bakikijwe hamwe n’abagore biyerekana”
Ni mugihe uwitwa Ben we yavuze ko bakomeje gukinira mu mafaranga yabo ko ashobora kubahagama.
N’ibitekerezo byinshi byibasiraga uyu muhanzi bisaga 600 ubwo twakoraga iy’inkuru.
Umuhanzi Jaguar yatangiye umuziki mu myaka ya 2004 dore ko aribwo yashyize hanze indirimbo ye ya mbere yise ‘Utaweza kweli’ yakomeje gukora cyane azagushyira indirimbo yitwa ‘Kigeugeu yatumye aba kimenywabose’ aramamara.
Yakoranye n’abahanzi bakomeye bakomoka muri Afurika harimo umunya-Nigeria Iyanya ndetse n’itsinda rya Mafikizolo rikomoka mu gihugu cya Afurika y’Epfo’.
Mu 2015 yahisemo gufata inzira yo kujya mu bijyanye na politike, aho mu mwaka w’2017 yaje gutorerwa kuyobora kujya mu Inteko ishingamategeko nk’umukandida wabarizwaga muri Jubile Party.
