Amavubi yatangiye umwiherero wo kwitegura imikino ya gishuti-AMAFOTO
Ikipe y’Igihugu y’umupira w’amaguru mu bagabo (Amavubi) yatangiye umwiherero ku bakinnyi bahamagawe mu rwego rwo kwitegura imikino ibiri ya gishuti.
Amavubi iteganya gukina imikino ibiri ya gishuti aho izahura na Botswana na Madagascar bikaba biri mu rwego rwo gukomeza kwitegura amarushanwa mpuzamahanga ateganyijwe mu gihe kiri imbere.
Ni umwiherero watangijwe n’Abakinnyi bakina imbere mu gihugu. Aho abandi bakina muri shampiyona zitandukanye ku migabane itandukanye bagiriwe icyizere n’umutoza akabahamagara bazagenda basanga bagenzi babo uko amakipe azagenda abarekura.
Abakinnyi b’ikipe y’igihugu berekeje i Nyamata mu Karere ka Bugesera.
Tariki 18 Werurwe 2024, Amavubi arateganya kuzasura Madagascar mu gihe tariki 26 Werurwe 2024, Amavubi azakira Botswana.
Aya matariki yombi avuzwe, arimo ikiruhuko cya FIFA aho shampiyona zizaba zahagaze ibihugu bigakina imikino itandukanye ariko ayo muri Afurika azakina imikino ya gicuti.
Amavubi arashaka gukina imikino ibiri ya gishuti mu rwego rwo gukomeza kwitegura imikino yo gushaka itike y’Igikombe cy’Isi cya 2026 izakomeza muri Kamena 2024, aho mu itsinda irimo rya C u Rwanda arirwo ruyoboye.
