Rayon Sports y’Abagore yegukanye igikombe cya shampiyona y’icyiciro cya mbere
Ikipe ya Rayon Sports y’Abagore yegukanye igikombe cya shampiyona y’u Rwanda y’icyiciro cya mbere itsinze Muhazi United WFC.
Ni umukino wabereye kuri sitade ya Rwamagana kuri uyu wa gatandatu tariki 23 Werurwe 2024, wagombaga gutanga igikombe.
Uyu mukino warangiye ubonetsemo igitego kimwe rukumbi cyatsinzwe na rutahizamu w’ikipe ya Rayon Sports WFC, Jeannine Mukandayisenga uzwi nka ‘Kaboyi’.
Uyu ni umwaka wa mbere wa shampiyona y’icyiciro cya mbere Rayon Sports ikinye ikaba yegukanye igikombe cya shampiyona.
Iyi shampiyona yari yarigaranzuwe n’ikipe ya As Kigali WFC mu kwegukana ibikombe, uyu mwaka ntiyahiriwe.
