Kylian Mbappé yashyize umukono ku masezerano amwerekeza muri Real Madrid

Rutahizamu w’Umufaransa Kylian Mbappé yamaze gusinyana amasezerano na Real Madrid akaba azerekeza muri Espagne kuya 1 Nyakanga 2024, ubwo isoko rya La Liga rizaba rifunguye.

Byitezwe ko Real Madrid izatanga ku mugaragaro Kylian Mbappé ndetse ikamwerekana nk’umukinnyi mushya muri iki cyumweru kuri Santiago Bernabeu mbere y’uko igikombe cy’u Burayi (EURO2024) gitangira.

Uyu mukinnyi wagize inzozi kuva kera zo gukinira ikipe ya Real Madrid yasinye amasezerano yo kuzayikinira mugihe kingana n’imyaka itanu bivuze ko azamugeza mu mwaka 2029.