Amavubi yatsinzwe umukino wa mbere mu gushaka itike y’igikombe cy’Isi
Ikipe y’igihugu ya Benin yatsinze Amavubi igitego 1-0, uba umukino wa mbere itsinzwe mu rugendo rwo gushaka itike y’igikombe cy’Isi kizaba mu mwaka 2026.
Uku guhagarika umuvuduko w’umutoza Frank Spittler Torsten n’abasore byatumye ikomeza kuyobora urutonde rw’agateganyo mu itsinda C.
Iki gitego kimwe cyabonetse ku munota wa 36 gitsinzwe na nimero 19 Dodo Dokou nyuma y’umwanya munini abakinnyi ba Benin botsa igitutu ikipe y’igihugu Amavubi.
Igice cya mbere cyarangiye kuri iki gitego kimwe ku busa, igice cya kabiri kigitangira umutoza Frank w’Amavubi yakuyemo Rafaek York na Hakim Sahabo yinjiza Samuel Guelette Muhire Kevin. Aba bakinnyi bafashije u Rwanda guhindura umukino rutangira gukina umukino wihuta bagabanya igitutu cya Benin.
Mugisha Bonheur nawe yaje kwinjira mukibuga asimbuye Rubanguka Steve yongera ingufu hagati mu kibuga, Kwizera Jojea yasimbuye Mugisha Gilbert nawe agerageza gufasha ubusatirizi ariko amahirwe u Rwanda rwabonye ntiyagira icyo atanga.
Uyu wari umukino wa gatanu umutoza Frank Spittler Torsten yari atije Amavubi yari ataratsindwa umukino n’umwe mu mikino 4 yari amaze gutoza ndetse yari atarinjizwa n’igitego.
Benin nyuma yo gutsinda nayo yahise igira amanota 4 inganya n’u Rwanda ari nazo ziyoboye itsinda , muri iri tsinda ejo kuri uyu wa gatanu Nigeria irakira Afurika y’Epfo naho Lesotho yakire Zimbabwe.
