Visi-Perezida wa Iran yeguye nyuma y’iminsi 11 ashyizweho
Visi-Perezida wa Iran, Mohammed Javad Zarif, yeguye kuri guverinoma ya Perezida Massud Pezeshkian nyuma y’iminsi 11 ashyizweho.
Yifashijije urukuta rwa X (iyahoze ari Twitter) kugirango asobanure icyemezo cye cyo guhagarika akazi.
Yagize Ati “Ntabwo nanyuzwe n’akazi kanjye kandi ndicuza kuba ntarashoboye kugera ku byo nari niteze.”
Yashimangiye kandi ko ishyirwaho mu myanya kw’abaminisitiri bashya muri guverinoma ya Pezeshkian ari byo byatumye afata icyemezo.
Nk’uko bivugwa na Zarif avuga ko nibura barindwi muri ba minisitiri 19 batowe atari we wabahisemo bwa mbere.
Zarif yari umuntu wa hafi ya Perezida Pezeshkian mu gihe cyo kwiyamamariza amatora y’umukuru w’igihugu, kandi kubera gukundwa kwe, yagize uruhare runini mu gutsinda kwa Pezeshkian.
Icyakora, nyuma y’amatora, Zarif n’itsinda ry’impuguke bagombaga gukora urutonde rw’abakandida ku myanya ya leta bazashyira mu bikorwa amavugurura nk’uko bari babisezeranyije.
Ku cyumweru, tariki ya 11 Kanama, Pezeshkian yerekanye urutonde, ababikurikiranira hafi bemeza ko bidahuye na gahunda n’amasezerano y’amavugurura.
Ababikurikiranira hafi bavuga ko umutwe wa Irani ukomeye w’aba arch-conservateur ariwo watanze urutonde rw’abaminisitiri bamwe kuri Pezeshkian.
Zarif kandi yari umwe mu bantu bakomeye kuri Pezeshkian mu ishyirwa mu bikorwa ry’umurongo mushya wa politiki y’ububanyi n’amahanga.
Zarif yari umudipolomate mukuru w’iki gihugu hagati ya 2013 na 2021 kandi yashoboye kugirana amasezerano mpuzamahanga na kirimbuzi n’ibihugu bitandatu by’isi mu 2015 nk’umuyobozi w’itsinda ry’ibiganiro bya Irani. Pezeshkian ari kumwe na we hamwe n’itsinda rishya ry’abadipolomate, bizeye ko bazakomeza imishyikirano kubijyanye na kirimbuzi kugira ngo ibihano bihungabanya ubukungu bwa Irani.
Kwegura kwa Zarif n’ikibazo cyo gushyira mu kaga Pezeshkian kuva yatangira imirimo mu mpera za Nyakanga, nyuma y’iyicwa ry’umuyobozi w’intagondwa za Hamas, Ismail Haniyeh muri Tehran.
