Rwanda: Umuntu umwe yishwe na COVID-19, abayanduye bashya ni 208
Minisiteri y’Ubuzima mu Rwanda yatangaje ko umuntu umwe ariwe wishwe na COVID-19 mu gihe abayanduye bashya bagaragaye ari 208.
Umurwayi wishwe na COVID-19 mu Rwanda ni umugore w’imyaka 72 wo mu Karere ka Rusizi.
Itangazo rya Minisiteri y’Ubuzima ryo kuri uyu wa 28 Nzeri 2021, rigaragaza ko mu masaha 24 yashize hafashwe ibipimo 11.269, byabonetsemo abarwayi 208, bangana n’ijanisha rya 1.8%.
Kuri uyu munsi, abarwayi babiri ni bo binjijwe mu bitaro, abarembye ni 11 mu gihe bane ari bo bakize nyuma yo gupimwa bagasangwa nta bwandu bagifite mu mibiri yabo.
Minisiteri y’Ubuzima ikomeje ibikorwa byo gukingira hibandwa cyane ku kubanza abafite ibyago byo kwandura Covid-19 kurusha abandi.
Kugeza ubu abantu 1.652.475 bamaze gukingirwa byuzuye aho bahawe dose zombi z’urukingo rwa COVID-19, mu gihe abahawe urukingo rwa mbere ari 2.878 byatumye umubare wabo ugera kuri 2.107.695.
28.09.2021 Amakuru mashya | Update | Mise à jour
Twihanganishije umuryango w'umugore witabye Imana / Condolences to family of a woman who passed away / Condoléances à la famille d'une femme qui est décédée pic.twitter.com/wivWgc5Van
— Ministry of Health | Rwanda (@RwandaHealth) September 28, 2021
