Nyuma y’intsinzi yakuye kuri Rayon Sports, Musanze Fc yemereye abafana kuzareba undi mukino batishyuye

Ikipe ya Musanze FC yatangaje ko mu rwego rwo kwishimira intsinzi yakuye kuri Rayon Sports, itanze ubwasisi ku bafana aho kwinjira ku mukino uzabahuza na Muhazi United ari ubuntu.

Iyi kipe yavuze kandi ko biri no muri gahunda yo kwitegura umunsi mpuzamahanga w’umugore no kwegereza ikipe abaturage.

Uyu mukino wa Musanze FC na Muhazi United uzaba kuwa Gatandatu tariki 02 Werurwe 2024 kuri Stade Ubworoherane.

Musanze iri kwishimira intsinzi y’igitego 1-0 yatsinze Rayon Sports ku munota wa 75 gitsinzwe na Tuyisenge Pacifique aherejwe umupira na Tinyimana. Uyu mukino wabaye mu cyumweru gishize.

Musanze FC iri ku mwanya wa gatatu wa shampiyona by’agateganyo n’amanota 41 nyuma y’umunsi wa 22 wa Shampiyona.