Amafoto:Udushya twaranze igitaramo cya ‘Ijuru Silent Disco’ cyari cyacuranzemo DJ Alisha uri mu bakomeye i Kampala

Inkumi n’abasore b’abataramyi bari babukereye mu gitaramo cya ‘Ijuru Silent Disco’ cyari cyacuranzemo DJ Alisha uri mu bakomeye i Kampala muri Uganda.

Ni igitaramo cyabereye muri ONOMO Hotel cyitabirwa n’amagana y’abanyamujyi bari bakereye kubyinira umuziki muri ‘ecouteurs’.

Iki gitaramo cyabaye mu ijoro ryo kuri uyu wa 1 Mata 2022, cyari cyatumiwemo DJ Alisha wafatanyaga n’abarimo; DJ Brianne, DJ Diallo, DJ Phil Peter, DJ Kendrick na DJ Junior n’abandi benshi.

Dj Alisha wanyuze abitabiriye iki gitaramo ni Umunyarwandakazi utuye mu gihugu cya Uganda akaba icyamamare mu kuvanga imiziki.

Uyu mukobwa aherutse no gucuranga mu gitaramo cya Blankets&Wine kiri mu bikomeye bibera i Kampala, muri uyu mwaka cyari cyatumiwemo Bruce.

Aba Djs batandukanye bari bakereye gususurutsa abitabiriye iki gitaramo

DJ Alisha asusurutsa abakunzi b’umuziki

DJ Phil Peter yitegereza uko DJ Alisha abigenza

DJ Alisha yafatanyaga na DJ Phil Peter mu gususurutsa abakunzi b’umuziki

Abitabiriye igitaramo bifuzaga gufata ifoto y’urwibutso na DJ Alisha

DJ Brianne na DJ Alisha bari gucurangira abitabiriye igitaramo

Nyuma yo gususurutsa abantu yishe icyaka

Buri wese aba abyina ibyo yumva kuko ntibaba bumva bimwe

Buri wese abyina mu mujyo we bitewe n’umuziki ari kumva Unaniwe arambika hasi akabanza gutora agatege akica n’icyaka

Hari abahitamo gucinya akaziki biyicariye

Ibi bitaramo biryohera kubi abakundana babijyanyemo cyangwa babihuriyemo

Ibi birori byongera guhuza abantu, mu masaha akuze baba baganira babwizanya ukuri

Uyu yahisemo kuza yambaye ku buryo utamubona mu maso

Biba ari ibirori biryoheye ijisho

Source: Igihe.com

Amafoto: Nezerwa Salomon