Batatu batawe muri yombi na RIB bashinjwa gukinisha abana filime z’urukozasoni
Abarimo uwitwa Twizerimana David ufite chaines/channels za Youtube zitwa Smart Guys TV na Smart Nation TV na bagenzi be batatu batawe muri yombi n’Urwego rw’Igihugu rw’Ubugenzacyaha (RIB).
Byinshi birambuye ku makuru yerekeye ibyaha bakurikinweho RIB ntiyabitangaje.
Uru rwego rwavuze ko abafashwe bafungiye kuri Sitasiyo zarwo za Kacyiru, Kimironko, Kimihurura na Remera mu gihe dosiye zabo zirimo gutunganywa kugira ngo zishyikirizwe Ubushinjacyaha.
RIB nyuma yo gufata aba bantu yashimangiye ko itazigera na rimwe yihanganira “umuntu wese uzakoresha umwana ibikorwa by’urukozasoni n’ibindi bishora abana mu ngeso mbi zibangiriza ejo hazaza habo, yaba akoresha imbuga nkoranyambaga cyangwa ubundi buryo ubwo ari bwo bwose.”
Yunzemo ko uzabifatirwamo wese azahanwa nk’uko amategeko abiteganya.
