Bruce Melodie yabaye umuhanzi wa mbere w’Umunyarwanda ugeze kuri Billboard
Bruce Melodie abikesheje indirimbo ye ‘When she is around’ yakoranye n’icyamamare Shaggy yamaze kugera ku rubuga rwa Billboard rusanzwe rubarizwaho ibyamamare ku Isi.
Uyu muhanzi wavukiye i Kanombe byahise bituma aba umuhanzi Nyarwanda wa mbere ugeze kuri uru rubuga rugerwaho n’abake mbarwa.
‘When she is around’ (Funga macho remix) itangiye gukora amateka yo kuza mu ndirimbo zikunzwe mu bitangazamakuru byo muri Amerika nka ‘Billboard US Afrobeats Songs’.
Kuri ubu iyi ndirimbo irabarizwa mu ndirimbo 20 za mbere kuri uru rubuga, bikaba ari ubwa mbere bibaye kuko ntawundi muhanzi w’Umunyarwanda wigeze abikora.
Uru rutonde rukorwa na Billboard buri cyumweru ku bufatanye na Afro Nation kuri ubu indirimbo ‘Water’ y’Umunyafurika y’Epfo Tyla ikomeje guca ibintu ku Isi inaheruka no kumuhesha igihembo cya Grammy Awards niyo iyoboye urutonde.
Izindi ndirimbo zikurikira harimo “Calm Down’’ ya Rema na Selena Gomez ya kabiri, “Truth or Dare’’ ya Tyla ya gatatu, “Me & U” ya Tems ya kane, “People’’ ya Libianca ya gatanu, “Tshwala Bam’’ ya TitoM, “City Boys’’ ya Burna Boy ya karindwi na “Talibans II’’ ya munani, “Commas’’ ya Ayra Starr ya cyenda ndetse na “Angels In Tibet’’ ya Amaarae ya 10.
Uretse kuba iri mu myanya iri imbere kuri ’Billboard U.S Afrobeats Songs’ iyi ndirimbo ya Bruce Melodie na Shaggy ni n’iya munani kuri “Billboard World Digital Song Sales”.
Uretse kuba iri mu myanya iri imbere kuri ’Billboard U.S Afrobeats Songs’ iyi ndirimbo ya Bruce Melodie na Shaggy ni n’iya munani kuri “Billboard World Digital Song Sales”.
Bruce Melodie amaze iminsi muri Amerika aho arimo kumenyekanisha indirimbo ye ‘When she is around’ yakoranye n’icyamamare Shaggy mu n’ibitangazamakuru, anaheruka gutaramira abantu mu kiganiro Good Morning America kimwe mu biganiro biyoboye muri Amerika.
