Umuhanda Ngororero-Muhanda wafunzwe by’agateganyo
Polisi y’u Rwanda yatangaje ko umuhanda Ngororero-Muhanga wabaye ufunzwe by’agateganyo kubera imvura nyinshi yaguye.
Imvura yaguye mu ijoro ryacyeye yatumye umuhanda uherereye mu Murenge wa Gatumba mu Karere ka Ngororero uyihuza n’akarere ka Muhanga urengerwa n’amazi aturuka muri nyabarongo ya 1 bikaba byahise bituma uwo muhanda uba ufunzwe kugira ngo hatabaho ibindi bibazo by’impanuka.
Polisi y’u Rwanda ibinyujije ku mbuga nkoranyambaga zayo yagize ati “Turabamenyesha ko kubera imvura nyinshi yaguye mu murenge wa Gatumba, igatera amazi kurenga urugomero rwa Nyabarongo ya 1 akimena mu muhanda, ubu umuhanda Ngororero- Muhanga wabaye ufunze by’agateganyo.”
Icyakora Polisi y’u Rwanda ivuga ko irimo gukora ibishoboka byose kugira umuhanda ube nyabagendwa nk’uko byari bimeze, mugihe byatungana bari bubimenyeshe.
