Tour du Rwanda 2024: Agace ka Gatanu kegukanwe n’Umufaransa
Umufaransa Pierre Latour ukinira TotalEnergies ni we wegukanye Agace ka Gatanu ka Tour du Rwanda 2024 kakinwe kuva ku Isoko rya Musanze kugera mu Kinigi ahazwi nkahakunze kubera umuhango wo kwita Izina.
Pierre Latour yanikiye bagenzi be nyuma yo gukoresha iminota 23 n’amasegonda 31 ku ntera y’ibilometero 13.
Uku gutsinda kwa Pierre Latour byahise bituma Umubiligi William Lecerf Junior ukinira Soudal Quick-Step ahita yambara umwambaro w’umuhondo nk’uyoboye isiganwa rya Tour du Rwanda 2024 mu bilometero 375,7 bimaze gukinwa.
Muri aka gace ka gatanu kegukanwe n’umufaransa Pierre Latour, abandi bakinnyi babiri basanzwe bakinana mu ikipe imwe ariyo TotalEnergies yo mu Bufaransa basoje muri batanu ba mbere muri aka gace ka Musanze-Kinigi.
