Imibare y’abandura COVID-19 n’abahitanwa nayo ikomeje kwiyongera
Imibare y’abandura COVID-19 n’abahitanwa nayo mu Rwanda ikomeje kwiyongera, uko iminsi igenda ihita.
Mu itangazo rya Minisiteri y’ubuzima rigaragaza uko icyorezo cya COVID-19 gihagaze mu gihugu, rigaragaza ko abandura bashya bakomeza kwiyongera mu gihe abamaze guhitanwa n’iki cyorezo kuva cyagera mu gihugu bagera ku 138.
Itangazo ryo kuri uyu wa 15 Mutarama 2021, rivuga ko mu masaha 24 hagaragaye abarwayi bashya ba COVID-19. 257 mu bipimo 5,358 byafashwe. Naho abantu ba 5 bakaba bahitanwe nayo, 54 bakaba bakize.
Ibi bikaba byatumye umubare w’abamaze kwandura COVID-19 bose hamwe bagera ku 10,573 abagera kuri 7,028 bakaba barakize, ni mugihe hamaze gufatwa ibipimo bigera kuri 785,049 kuva iki cyorezo cyagaragara mu Rwanda.
Inama y’Abaminisitiri yateranye tariki 04 Mutarama 2021, yemeje zimwe mu ngamba zo kwirinda iki cyorezo zirimo; kuba amasaha yo kugera murugo ari saambiri z’umugoroba, iyi nama kandi yahagaritse indengo zihiza uturere n’utundi ndetse n’utundi turere n’umugi wa Kigali, ibi bikongerwa ku zindi ngamba zo kwirinda nko; kwambara neza agapfukamunwa, gukaraba intoki kenshi amazi meza n’isabune ndetse no guhana intera hagatu y’umuntu nundi. Iyimyanzuro ikaba izavugururwa nyuma y’ibyumweru bibiri kuva igihe yabereye.
15.01.2021 Amakuru Mashya | Update
*Kigali: 159, Gicumbi: 16, Gisagara: 14, Rwamagana: 13, Huye: 13, Karongi: 10, Muhanga: 7: Kirehe: 7, Nyagatare: 4, Musanze: 3, Gatsibo: 2, Ngoma: 2, Rubavu: 2, Ruhango: 1, Rusizi: 1, Nyamagabe: 1, Burera: 1, Ngororero: 1 pic.twitter.com/GfYmTXWKJs
— Ministry of Health | Rwanda (@RwandaHealth) January 15, 2021
