Papa Francis ahangayikishijwe n’ishimutwa ry’abantu muri Nigeria

Umushumba wa Kiliziya Gatolika ku Isi Papa Francis yagaragaje ko atewe impungenge n’ishimutwa ry’abantu rikunze kubera mu gihugu cya Nigeria.

Ni ibintu Papa Francis avuga ko bimuhangayikishije.

Ibi yabivuze mu butumwa yanyujije kuri X (Twitter) ku cyumweru, tariki ya 25 Gashyantare, avuga ko asenga kandi yizera ko hakwiriye gushyirwamo ingufu mu gukumira ibyo bibazo.

Yanditse ati “Umubare w’abakomeje gushimutwa ukomeje kwiyongera ibintu bikwiye guhagurikirwa.”

The increasingly frequent kidnappings in Nigeria are extremely concerning. I express my closeness in prayer to the Nigerian people, hoping that efforts will be made to contain the spread of these incidents as much as possible.

— Pope Francis (@Pontifex) February 25, 2024

Yakomeje agira ati “Ndaganisha amasengesho yanjye ku baturage ba Nigeria, nizeye ko hazashyirwa ingufu mu gukumira ikwirakwizwa ry’ibi bintu mugihe bigishoboka.”

Ibi Umushumba wa Kiliziya ku Isi Papa Francis abivuzeho mugihe umutekano mu gihugu cya Nigeria ukomeje kuba ikibazo mu bice bitandukanye mu gihugu, aho hari ababura ubuzima yewe abandi hakabaho ababurirwa irengero.