RDC: Biravugwa ko M23 yakubise inshuro umutwe wa Nyatura

Imirwano mishya yabaye ku wa Kabiri yongeye guhuza inyeshyamba za M23 ndetse n’izo mu mutwe wa Nyatura ziswe na Guverinoma ya RDC ‘Wazalendo’.

Ni imirwano yabereye muri Teritwari ya Masisi.

Amakuru yemezwa na Sosiyete Sivile yo mu ntara ya Kivu y’Amajyaruguru ivuga ko imirwano yasize M23 bigaruriye uduce dutandukanye two muri Masisi.

Utwo duce uyu mutwe wirukanyemo Wazalendo irimo Butale, Murambi, Kabahole, na Lufulandi.

Sosiyete Sivile yo muri Kivu y’Amajyaruguru ivuga ko imirwano kuva mu gitondo cyo kuri uyu wa Gatatu yakomereje mu bice bya Kimoka, muri Masisi.